Lolo nanglugos og tinun-an
CEBU, Philippines — Gidakop ang 67-anyos nga mag-uuma niadtong Sabado sa hapon sa Sitio Bi-as, Sungko, Lungsod sa Bantayan pinasikad sa warrant of arrest sa kasong pagpanglugos og usa ka tinun-an nga iyang silingan.
Ang dinakpan giila sa Bantayan Police Station nga si Gregorio Quijano, residente sa maong dapit.
Giingong giatangan ni Quijano ang biktima gikan sa tunghaan ug gihulgang patyon lakip ang iyang lola gamit ang gitakin nga sundang kon dili magpahilabot.
Ang biktima kinsa nahadlok nadala sa suspek sa umahan ug didto siya gipanamastamasan.
Nasundan pa kini sa ikaduhang higayon hinungdan nga wala nay gana moeskwela ang biktima.
Matud pa nga naalarma ang pamilya hinungdan nga gisukit-sukit ug nadiskubrehan ang nahitabo.
Gipasakaan og kaso ang suspek ug nahimong ikaupat nga most wanted person sa maong lungsod.
Si Quijano ang nagtingkagol na karon sulod sa detention cell sa Bantayan Police Station. (BANAT NEWS)
- Latest
