Pagpanghimo og paltik planong himuong legal

CEBU, Philippines – Ang kapolisan miawhag sa mga local nga opisyal sa Dakbayan sa Danao nga maghimo og pamaagi aron mahimong legal ang pagpanghimo og mga armas diha sa maong dakbayan kon gusto gyud nilang mahunong kining pagkuyanap og mga paltik nga gigamit sa mga krimen.

Si Police Superintendent Jaime Quiocho Jr., hepe sa kapulisan sa Danao mitug-an nga samtang hugot ang ilang kampanya kalabot sa mga tighimo og paltik gihinay-hinayan usab nila pagduso sa lokal nga kagamhanan nga himuong legal ang paghimo niini ilabi na nga nahimo na man kining panginabuhian sa mga lumulupyo.

“Hangga’t hindi pa na-legalize ay patuloy pa din ang ating intensified operations against illegal manufacturing of firearms dito dahil illegal pa din ito. Yes, may efforts na tayong ginawa para ma-legal ang paggawa ng baril iyun din ang napag-usapan namin ni Mayor noong pagka-assign ko dito,” si Quiocho miingon. Niini lang bag-o, usa ka William Morato ang gisikop human nahibaw-an nga naghimo kini og mga armas sa Barangay Tuburan Sur sa maong dakbayan.

Si PNP Chief Director General Oscar Albayalde usa sa midayeg sa mga hinimo nga armas sa Danao nga matod pa niya murag “orihinal” apan gimando niya nga angay nang mahunong ang pagpanghimo niini.

“Regulated naman talaga dapat iyan, iyung mga walang license dapat talaga matigil na iyan. Ma-raid iyan. Kaya nga tama nga iyung  sabi mo na we still have this problem. Mas maganda pa nga ang gawa dito with the markings and all,” si Albayalde miingon atol sa iyang pagbisita niadtong Biyernes diri sa Sugbo.

Hinuon midugang si Albayalde nga adunay amnestiya nga ipatuman para sa mga tawo nga naghupot og armas nga walay lisensiya o expired na ang lisensiya.

“Magkaroon na tayo ng amnesty to encourage kung sino pa ang may firearms na loose firearms late registration na firearms so we can account properly itong mga firearms instead of them being kept without license,” si Albayalde midugang. Sa laing bahin, si Provincial Police Director Manuel Abrugena uyon pag-legalize sa pagpanghimo og armas sa  Danao kay matud niya ma-monitor gyud ang mga armas. (/IBM)(BANAT NEWS)