Sex toy, gadgets nasakpan sa MCJ

CEBU, Philippines — Laing greyhound operation ang gilusad diha sa Mandaue City Jail kagahapon sa buntag nga miresulta sa pagkasakmit sa mga kontrabando apil na ang sex toys ug mga gadgets.

Ang mga sakop sa Bureau of jail Management and Penology (BJMP) mihimo niini isip follow-up sa nagsunod nga greyhound operation nga gipasiugdahan sa miaging bulan.

Si Mandaue City Jail Warden Senior Superintendent Jessie Calumpang miingon nga wala silay nasakmit nga ilegal may nakuha gihapon silang ubang matang sa mga kontrabando ilabi na sa selda ni Esteve  Go.

Nasakmit sa pagsiksik sa mga selda ang mga gadgets sama sa cellphones, charger,  mga pinakete nga sigarilyo,  sex toy  ug uban pa.

Niadtong Oktobre 2017 may nasakmit nga mga pinaketeng shabu sa MCJ, nasundan kini niadtong Pebrero ning tuiga ug may nakuha gihapon drugas nga gisundan pagka Abril ug Mayo nga diin duna gihapoy nakuhang mga kontrabando.

Gani pito ka mga jailguards sa maong prisohan ang girelibohan ug gipaubos sa imbestigasyon tungod sa pagdudang sila ang kakunsabo pagpalusot sa mga kontrabando. (Rowena Capistrano/IBM)(BANATNEWS)