SOCE adto na sa Manila iduso

CEBU, Philippines – Adto na sa ulohang buhatan sa Commission on Elections sa Manila iduso ang Statement of Contributions and Expenditures (SOCE) niadtong nanglansar sa niaging Barangay ug Sangguniang Kabataan Elections, pilde man o daug.

Matud ni Cebu Provincial Election Supervisor, Atty. Lionel Marco Castillano, nga magpaabot pa ilabi na ang nidaug nga wala nakaduso sa ilang SOCE sa notice gikan sa Comelec Manila.

Ang mananaug nga opisyal posibleng dili makalingkod sa pwesto sunod nga buwan kung wala kaduso sa SOCE hangtud sa katapusang adlaw niadtong Miyerkules.

Dugang ni Castillano nga wala pa siya masayud kung pila ka opisyal sa Central Visayas ang dili makalingkod tungod kay padayon pa man nilang gisusi kung pila ang wala makaduso sa SOCE. (/GMR)(BANAT NEWS)