Tomas: Barug-PDP dunay bangi
CEBU, Philippines — Nagtuo si Cebu City Mayor Tomas nga adunay bangi ang mga sakop sa Barug Team Rama-Partido Demokratiko Pilipino-Lakas ng Bayan kung kinsay modagan sa pagka-mayor sunod tuig nga eleksyon. Kini human si kanhi mayor Michael Rama ug Bise Mayor Edgardo Labella ang nipadayag nga magpapili sa pagka-mayor.
Matud ni Osmeña nga dunay iya-iya nga advantages sila si Rama ug Labella apan nagdumili sa pagbutyag kung kinsa ang mas lig-on.
Si Rama nihimakak nga ang grupo adunay panagbangi ug nikwestiyon kung nganong si Osmeña manghilabot sa ilang partido. Nagdumili hinoon siya pagluwat og pamahayag kung unsay plano ni Labella.
“No, I would not be telling about what’s going on because Labella is the chairman of PDP-Laban and I am the over-all head of Barug where PDP-Laban is coalesced,” asoy ni Rama.
Kini nipasalig nga magpabilin ang maayo nilang relasyon ni Labella.
Si Konsehal Joel Garganera nihimakak sab sa gisulti ni Osmeña ug nipasalig nga ang ilang kampo duna lay usa ka kandidato sa pagka-mayor.
“Our party is very dynamic and one thing for sure, there will be only one candidate. That’s our process. Why doesn’t he just mind his own party and then we have our own gymnastics here. Ang kapait niya manghilabot siya namo,” sigun ni Garganera. GMR (BANAT NEWS)
- Latest
