Tomas bukas alang sa monorail
CEBU, Philippines — Gipresentar sa Philtram Transportation Consortium, Inc. ngadto kang Cebu City Mayor Tomas Osmeña ang ilang gisugyot nga Metro Cebu Monorail project kagahapon.
Si Konsehal Jerry Guardo, chairman sa committee on infrastructure, niingon nga si Osmeña gusto gyud masayud kung pila ang rate niini diin base sa pagtuon P10 ang girekomendar nga plite.
Matud ni Guardo nga nalipay ra ang mayor sa presentasyon kay bisan anaa ang proyekto dili kinahanglang ikanselar ang Bus Rapid Transit nga maoy iyang gihingusgan.
Ang napulo ka buwan nga pagtuon sa Philtram nga natapos sa niaging buwan nagsugyot sa rota nga Talisay padulong sa N. Bacalso Avenue moliko sa Calamba, mosulod sa B. Rodriguez, Fuente Osmeña Circle deretso sa Robinson’s Galleria paingon sa SM City Cebu tabok sa Dakbayan sa Mandaue deretso sa Lungsod sa Consolacion.
Ang proposal isumetir sa Department of Transportation (DOTr) nga maoy mohimo sa evaluation.
“I’m against cancelling the BRT, somebody wants to propose helicopter system I’m not against that also or rocket ship I don’t know, space shuttle okay gihapon, as long as the BRT is there do not disturb what’s already in the pipeline,” dugang ni Osmeña. GMR (BANAT NEWS)
- Latest