Opisyales sa Day-as adto nanumpa ni Osmeña

CEBU, Philippines — Nadugangan na sab ang mga barangay kapitan nga mitapon sa Bando Osmeña Pundok Kauswagan (BOPK) nga gipangulohan ni Cebu City Mayor Tomas Osmeña. Hinay-hinay nga mibali og grupo ang pipila ka mga kapitan nga kaalyado sa Barug Team Rama-Partido Demokratiko Pilipino-Lakas ng Bayan ngadto sa BOPK. Niadtong miaging semana ang midaog nga kapitan sa Barangay Guba uban sa mga konsehal ug ang mga opisyales sa SK mitapon sa BOPK ug nanumpa atubangan ni Osmeña.

Kagahapon ang midaog nga kapitan sa Barangay Day-as uban sa iyang mga konsehales ang mibalhin sa BOPK ug mihurar sab kang Osmeña.

Si Barangay Captain-elect Freddie Esmas, uban sa mga konsehal nga sila si Maria Lota Conejos, Marlene Bernal, Carlos Ferolin, Nickelito Dingal, Benigno Caniga Jr. Carmen Entoma ug Regalado Hisoler Jr. ug mga Sangguniang Kabataan Councilors nga sila si Julas Dausan, Kherly Flores, Alaric Fergus Villarin, Hazel Joy Abella, Dayanara Torres, David Suico ug Lovely Amado ang mi-take oath kang Osmeña. Nagkanayon si Esmas, ang iyang pagdagan alang sa ‘best interest’ sa barangay.

“We know Mayor Tom is the Mayor, whether we like it or not he is the mayor, so kung di ta suportahan sa mayor kutob rata sa IRA. The barangay will only be using the internal revenue allotment to run the barangay. So, this is not for my personal gain I’m looking forward to serve my people in terms of various projects that’s all. I’m not a full blooded politician,” asoy ni Esmas.

Sa pagkakaron, moabot na sa  50 ka mga barangay kapitan sa siyudad ang kaalyado sa BOPK samtang 30 na lang sa oposisyon. Subay niini si Vice Mayor Edgardo Labella sa iyang bahin wala mabalaka niining pagbali sa mga kapitan sa pikas nga grupo.

“He just said he is going to take his oath before the Mayor whether or not he told us the truth that is for him but what he told me yesterday that he will just take his oath before the mayor. After all, barangays are supposed to be non- partisan so I believe there’s nothing wrong for him to take his oath before the mayor because the mayor is the person, an officer authorize to administer an oath. I’m not worried, I’m never worried,” matud ni Vice Mayor Labella. (IBM) (BANAT NEWS)