Konsehal gisinggitan ni Mayor Osmeña?

MANILA, Philippines — Gihimakak ni Cebu City Mayor Tomas Osmeña nga iyang gisyagitan ang iyang pag-umangkon nga si Konsehal Renato “Junjun” Osmeña dihang nag-abot sila sa Waterfront Hotel and Casino sa Cebu City niadtong adlaw’ng Sabado.

Sigon ni Osmeña nga igo lang siya miingon nga ‘stay away’ ngadto kang Junjun.

Midugang si Osmeña wala siya’y labot sa unsa may reaksiyon sa konsehal apan iyang gipasabot unbecoming matud pa ang gihimo sa konsehal kay asoy sa mayor si Junjun ang una niya nahibaw-an nga legislator nga mibotar batok sa iyang rekomendasyon.

Kini may labot sa pagbotar ni Konsehal Osmeña pagsupak sa P18 billion development project sa Kawit Island sa South Road Properties nga giduso sa uyoang mayor.  Gihulagway ni Osmeña nga si Junjun giingong kauwawan dili lang sa Osmeña family apan lakip na sa City Government dungan sa pagbutyag nga nawagtangan siya og respeto sa konsehal.  “I’m angry. We’ll have five thousand jobs right now, we start already, that’s his own recommendation, he voted against it. So what he say he’s making paawa diha, he doesn’t make paawa to the people who benefit from the project, it’s all about him,” asoy ni Mayor Osmeña.

Sa iyang bahin ang konsehal miingon nga mahimong mohimakak ang mayor sa nahitabo ug midugang nga dili siya mo-react og ingon ato kon wala siya mabutang sa bakikaw nga sitwasyon.

“What do you think I would gain out of this, if this wasn’t what really happened. I respect my uncle who is the mayor but we don’t deserve to be treated in such an ill manner just because we voted against him for the good of the Cebuanos and the city,” asoy ni Konsehal Junjun.

“I did what I did with a clear conscience and I’m so happy I did it,” dugang sa konsehal bahin sa pagbansag kaniya sa mayor nga kauwawan siya sa ilang pamilya.

Samtang gitubag sab sa mayor ang report wala siya pasudla sa panihapon sa mga mayor ug kongresista uban ni Presidente Rodrigo Duterte diha sa maong hotel anang gabhiuna.

Si Osmeña miingon nga wala siya imbitara ug dili kini isyu apan siya miingon nga nagpakita kini nga si Presidential Assistant for the Visayas Michael Dino walay respeto sa mga Sugbuanon.

Giklaro sa mayor nga wala siya niadto sa maong dapit aron moapil sa maong kalihukan kay aduna siyay laing kasabot human siya miduaw sa haya sa namatay nga si kapitan Joel Ycong. (BANAT NEWS)