Davide mangayo og dugang polis
CEBU, Philippines – Mangayo si Gobernador Hilario Davide III og dugang polis alang sa lalawigan sa Sugbo gikan sa Philippine National Police (PNP) Headquarters.
Kini human nipahibawo ang hepe sa Criminal Investigation and Detection Group (CIDG-7), Supt. Royina Garma, nga kuwang og police personnel ang mga police stations sa Lalawigan sa Sugbo.
Matud ni Davide nga mosuwat siya ngadto sa labaw sa kapolisan aron paghangyo nga butangan og dugang polis ang mga estasyon sa probinsiya.
Si Davide nagkanayon nga ang gidaghanon sa mga polis magdepende sa populasyon sa lungsod ug dakbayan. (/GMR)(BANAT NEWS)
- Latest