Mananagat napalgan patay
CEBU, Philippines – Napalgan ang patay’ng lawas sa usa ka mananagat alas 4 sa kaadlawon kagahapon sa Barangay Sabang, Sibonga.
Ang biktima mao si Felix Genobaga, biyudo ug nagpuyo sa nahisgutang lugar.
Giingong nilakaw pasado alas 3 sa kaadlawon niadtong Lunes ang biktima aron managat apan nakit-an kini kagahapon sa usa ka mananagat nga naglutaw na ang lawas ug patay na.
Daling niresponde ang kapolisan ug Municipal Disaster Risk Reduction Team sa lungsod ug gidala ang patay’ng lawas ni Genobaga sa punerarya sa Dakbayan sa Carcar aron ipaubos sa autopsy aron masuta kun unsa gyud ang hinungdan sa kamatayon niini. (/GMR)(BANAT NEWS)
- Latest