Inahan gidakop kay miabuso og mga bata

CEBU, Philippines – Gidakop sa mga tinugyanan sa balaod ang usa ka inahan nga mihimo’g online exploitation sa tulo ka menor de edad, apil ang iyang anak, didto sa Barangay Sangat, San Fernando kagahapon sa hapon.

Ang mga sakop sa Women and Children's Protection Center-Visayas Field Unit mihimo’g entrapment operation didto sa Barangay Sangat, lungsod sa San Fernando kagahapon sa hapon.

Ang mga bata pulos biktima sa online exploitation. Gipahimo sila og law-ay nga buhat atubangan sa camera bugti sa kantidad nga ihatag kanila. Ang kadagkoan sa International Justice Mission nakadawat og report sa kalihukan sa maong    inahan.

Usa ka police decoy ang gigamit isip kustomer nga nakigsabot sa inahan aron pagmatuod nga nalambigit siya sa ilegal nga kalihukan. Karong adlawa ipasaka ang kaso batok kaniya. (/RUB)(BANAT NEWS)