Mga bag-ong napili giawhag nga motrabaho

CEBU, Philippines – Giwhag sa pangulo sa mga layko sa Archdiocese of Cebu ug sa Commission on Youth ang mga bag-ong napiling opisyal sa barangay nga motrabaho sa ilang mandato.

Matud ni Fe Barino nga ilang panghinaut nga kalimtan na ang kainit sa piniliay ug magpinasayloay ang managkaatbang sa politika ug nga dawaton sa mga napilde ang kapildehan.

Nanghinaut sab si Barino sa mga nakadaug nga dili magpagamit sa mga dagkong politiko ilabi na nga umaabot na sab ang local ug national elections sunod  tuig.

Samtang ang coordinator sa Commission on Youth, Frankel Gerard Margallo, nitug-an nga makig-alayon sila sa mga napili sa Sangguniang Kabataan ilabi na may kalabutan sa drug prevention ug sa promotion sa education para sa mga out of school youth.

Sumala pa ni Margallo nga ang SK leadership maoy agianan aron ang mga batan-on mangulo sa ilang isigka-batan-on aron mahimong responsible citizens. (/GMR)(BANAT NEWS)