Comelec: Dawat lang mo sa kapildihan
CEBU, Philippines – Ang acting regional Director sa Commission on Elections nga si Veronico Petalcorin miawhag sa mga napildi nga mga nagpapili sa Barangay ug Sangguniang Kabataan 2018 nga dili magdumot sa resulta sa maong piniliay.
“Wala silay mahimo let us accept the realities, unya naa na pay umaabot nga elections sa umaabot. The simplest thing is to accept realities,” si Petalcorin miingon.
Matud niya hapsay ug malinawon ra ang proklamasyon sa mga mananaog sa piniliay kagahapon.
Samtang si Police Regional Office-7 Regional Director Chief Supt. Robert Quenery miingong aduna ray tulo ka mga election related violent incident ang natala sa kapolisan.
Una mao ang pagpusil patay sa incumbent barangay councilor sa Bohol nga si Gregorio Mellis niadtong Mayo 10.
Gilakip sab sa maong tulo ka mga kaso sa Election Related Violent Reaction kang Daanbantayan Mayor Vicente Loot ug sa pamilya niini.
“While mayor Loot is not a candidate for barangay election, there were people who were injured in the incident so we considered it as Election Related Violent incident,”si Quenery miingon.
Ikatulo mao ang pagpangrakrak sa panimalay sa usa ka incumbent barangay kapitan sa barangay Bulak, Dumanjug nga si Reynaldo Albios ,51, niadtong kaadlawon sa mismong adlaw sa piniliay. (/IBM)(BANAT NEWS)
- Latest
