Gambling machines gisakmit atol sa eleksiyon
CEBU, Philippines – Nasakmit sa kapolisan ang mga video karera ug moli-moli machines sa Sitio Tunga, Barangay Tangke, Talisay City niadtong Lunes sa hapon.
Matud ni Police Supt. Marlu Conag, hepe sa Talisay City Police Station, nga niresponde ang kapolisan sa theft alarm nga gipangulohan ni Police Officer 3 Ferdinand Pablo ug kaubanan apan pag-abot sa maong lugar didto nakita ang biniyaan nga karera ug moli-moli machines.
Sumala pa ni Conag nga ang maong mga ilegal nga makina biniyaan sulod sa usa ka payag-payag nga walay tawo ug walay niangkon nga tag-iya niini hinungdan nga gisakmit ug gidala sa police station.
Gibutyag ni Conag nga padayon ang ilang monitoring sa mga ilegal nga sugalan, ilegal nga drugas ug mga kalihukan sa iyang area of responsibility. (/GMR)(BANAT NEWS)
- Latest