Enforcer positibo sa drug test taktak
CEBU, Philippines – Dili na makabalik sa trabaho ang mga traffic enforcers sa Cebu City Transportation Office nga nagpositibo sa gihimong drug test sa Cebu City Office for Substance Abuse Prevention (COSAP) sa niaging semana.
Kini human si Mayor Tomas Osmeña niingon nga taktakon gyud ang maong mga empleyado sanglit mao gyud kini ang iyang direktiba.
"Out, it's a no brainer, I already told you that. I don't even want to know who they are because I might change my mind basta out," matud ni Osmeña.
Kahinumduman nga ang 283 ka traffic enforcers sa CCTO ang gipaubos sa COSAP sa random drug test niadtong Sabado.
Ang pangulo sa COSAP, Garry Lao, niasoy nga nasagmuyo siya nga dunay nagpositibo apan kini nipadayag nga wala ra sab siya nabalaka sanglit dili man daghan ang nagpositibo ug mas maayo nga nahibaw-an dayon.
"Well nasagmuyo sad ta naay nag-positive pero at least kana bitaw dili ingon ana ka daghan, what's important is atong nahibaw-an kaysa wa gyud ta kahibawo," asoy ni Lao.
Nidugang si Lao nga mao ra gyud gihapon ang baruganan nila nga wala'y luna sa panggobiyerno ang kawani nga nalambigit sa ginadiling drugas. (/GMR)(BANAT NEWS)
- Latest
