Duterte motambong sa Labor Day celebration sa Cebu
CEBU, Philippines — Sa ikaduhang higayon karong tuiga, mobisita si Presidente Rodrigo Duterte sa Sugbo karong adlawa alang sa pagsaulog sa Adlaw sa Mamumuo.
Si Duterte motambong sa kalihokan karong adlawa alang sa ika-166 nga anibersaryo sa adlaw sa mga mamumuo nga ipahigayon sa IEC Convention Center (IC3).
Ang maong kalihokan gitawag nga Labor Day Event with the President and Trabaho, Negosyo at Kabuhayan (TNK) Job and Business Fairs. Gipaabot nga alas 10 sa buntag karong adlawa moabot ang presidente sa IC3.
Diha sa IC3 adunay mga Trabaho, Negosyo at Kabuhayan (TNK) Job and Business Fairs. Human niini si Duterte uban ni Department of Labor and Employment (DOLE) Secretary Silvestre Bello II mo-award sa nagkadaiyang pre-drawn raffle winner sa house and lot sa DOLE uban ang Pag-Ibig.
Si Duterte usab ang mangulo sa awarding sa teaching kits sa mga kanhi OFWs kon diin dawaton kini ni Revanee Figures kinsa maoy representante sa 42 ka magtutudlo nga kanhi OFWs.
Human niini si Duterte gipaabot nga mohatag og mensahe alang sa Labor Day. Gipaabot nga motambong sa kalihokan karong adlawa mao sila si executive Sec. Salvador Medialdea, DTI Sec. Ramon Lopez, DFA Sec. Alan Peter Cayetano ug OPAV Michael Lloyd Dino.
Tungod niini, gibutang sa full alert status ang rehiyon alang sa seguridad sa pangulo sumala pa ni Police Regional Office-7 nga si Chief Supt. Robert Quenery atol sa press conference kagahapon.
“We’re already on full alert status today that is why we are requiring 100 percent attendance of our people especially to our lower units. Full force tayo,” sigun pa sa maong heneral.
Gibana-banang upat ka lilbo ka mga partisipante nga molangkob sa maong job fair, aduna sila’y giandam nga kapin 400 ka mga uniformed personnel nga mobantay sa lugar.
Aduna say mga sakop sa Civil Disturbance Unit nga ipakatap alang sa mga buot magpahigayon og protesta sa lugar.
Gibutyag ni Quenery wala’y gihatagan og pagtugot nga mopaduol ug mohimo og lihok protesta sa IC3 tungod kay aduna may mga freedom parks nga mahimo nilang pahigayonan niini. -/IBM (BANAT NEWS)
- Latest
