Kaon daan una mobiyahe

CEBU, Philippines — Niawhag karon ang tagdumala sa Cebu South Bus Terminal ngadto sa mga pasahero nga mas maayo kung mokaon daan una pa mobiyahe pauli karong umaabot nga Semana Santa.  Kini human nga nabantayan sa mga sakop sa terminal nga ang pipila sa mga pasahero ang nangakuyapan sulod sa CSBT tungod kay walay kaon.

Matud ni Joey Herrera ang manager sa CSBT nga sulod sa duha ka semana, upat na ka mga pasahero ang ilang gitabang sulod sa terminal.

Nasuta usab nila nga ang ubang pasahero adunay hubak, ubos ang level sa sugar sa lawas ug walay kaon hinungdan nga luya kini pag-abot sa terminal.  Ang CSBT adunay clinic ug nurse nga moatiman sa mga pasahero nga adunay bation samtang naghulat sa bus nga sakyan. (IBM) (BANAT NEWS)