VECO nipahimangno sa peke nga trabahante

CEBU, Philippines — Subling nipahimangno ang Visayan Electric Company (VECO) sa mga konsumedor nga magmatngon sa mga nagpatuo nga trabahante o kontraktor sa ilang kompaniya. Matud ni Quennie Sanchez-Bronce, ang tigpamaba sa VECO, nga nakasakop sila og impormasyon nga adunay mga motanyag nga moayo ug mosusi sa ilang mga koneksiyon o mokuha sa ilang kwarta alang sa bayad.

Sumala pa ni Bronce nga ang VECO wala maghimo sa maong trabaho tungod kay kutob lang sila sa distribution line.

Dugang pa ni Bronce nga aduna usab silay mga accredited bayad centers sa mga kustomer.

Awhag ni Bronce ngadto sa katawhan nga motaho dayon sa ilang numero 230-8326 kung adunay magpakaaron-ingnon nga taga VECO ug pangayoan usab kini og ID. GMR (BANAT NEWS)