60-anyos katabang nadasmagan patay

CEBU, Philippines — Walay swerte ang 60-anyos nga katabang human nadasmagan patay sa motorsiklo samtang nilabang sa dalan alas 6:30 sa buntag niadtong Huwebes sa Poblacion, Asturias.

Ang nakalas naila nga si Caridad Mahipos, taga Barangay Looc Norte sa maong lungsod, samtang ang driver sa motor nga anaa sab sa tambalanan gumikan sa bun-og ug pangos mao si Glovis Joseph, 38, residente sa maong lugar.

Matud ni Police Officer 3 Victor Calimpong, desk officer sa Asturias Police Station, nga gikan sa Balamban si Joseph ug padulong sa Tuburan dihang nahitabo ang insidente. GMR (BANAT NEWS)