Palma apil sa nakuratan sa desisyon sa DOJ
CEBU, Philippines — Nakurat si Arsobispo Jose Palma sa desisyon sa Department of Justice sa paglimpyo sa pangan sa mga giilang drug lords nga sila si Peter Lim, Kerwin Espinosa ug uban pa samtang didto pa siya sa Roma.
Matud ni Palma nga nakapangutana siya ug nasubo tungod kay aduna may sinumbong nga niangkon nga drug lord maong naglibog siya sa proseso niini. Ang Arsobispo nipadayag nga mas maayong adunay lain pa nga ahensya nga motutok alang sa gihimo nga imbestigasyon.
Samtang si Leo Villarino, chief investigator sa Commission on Human Rights (CHR-7), nibutyag nga ang tanan adunay proseso ug hangtud nga dili pa konbiktado ang mga sinumbong inosente pa gihapon sila.
Kini ang hinungdan nga kung aduna may sayop sa resulta, anaa na kini sa DOJ sa pag-korehir niini tungod kay sila sa CHR nirespeto sa ilang gihimo nga proseso. (BANAT NEWS)
- Latest