Magpale dili pugson ni Davide
CEBU, Philippines — Dili mamugos si Gob. Hilario Davide III kang Bise Gob. Agnes Magpale nga modagan pagbalik isip iyang running mate sa midterm election sunod tuig.
Kini human nga si Magpale nipadayag nga gusto na siya mopahuway sa politika.
“The last conversation we had nag-estoryahanay man mi, she wants to concentrate and grandchildren,” matud ni Davide.
Sumala sa gobernador nga gusto gyud niya nga si Magpale gihapon ang iyang mahimong running mate sa sunod eleksiyon.
“Dili pud nato pugson, I don’t want to force her pud if she doesn’t want to run again. Let me find somebody pareha-pareha pud niya,” matud ni Davide.
Gitataw ni Davide nga si Magpale gyud ang iyang “first choice” nga running mate sa ikatulong higayon.
Si Davide ug Magpale una kining nagpares sa eleksiyon niadtong 2013 dayon sa 2016.
Si Davide sakop sa Liberal Party samtang si Magpale sa Barug Alang sa Kauswagan ug Demokrasya (Bakud) Party nga nag-alyansa. (BANAT NEWS)
- Latest