PISTON mag-strike sa Lunes
Matud pa ni Greg Perez, ang coordinator sa PISTON-Cebu nga ang maong transport protest ipahigayon nila sulod sa tunga sa adlaw nga nagsugod sa buntag. Ang protesta sa PISTON-Cebu dungan kini sa himuong protesta sa PISTON didto sa Manila aron ipanawagan ang paghunong sa implementasyon sa pagdili na pagbiyahe sa mga PUJs nga 15-anyos pataas, pagbasura sa TRAIN law ug ingon man ang Oil Deregulation law. File
CEBU, Philippines — Mopahigayon na usab og transport protest ang Pinagkaisang Samahan ng mga Tsuper at Operators Nationwide-Cebu karong Lunes.
Matud pa ni Greg Perez, ang coordinator sa PISTON-Cebu nga ang maong transport protest ipahigayon nila sulod sa tunga sa adlaw nga nagsugod sa buntag. Ang protesta sa PISTON-Cebu dungan kini sa himuong protesta sa PISTON didto sa Manila aron ipanawagan ang paghunong sa implementasyon sa pagdili na pagbiyahe sa mga PUJs nga 15-anyos pataas, pagbasura sa TRAIN law ug ingon man ang Oil Deregulation law.
Matud pa ni Perez "anti-poor" kining gihimo sa gobiyerno ug magdugang lang sa kalisod sa mga kabus. Ang grupo anha magprotesta atubangan sa buhatan sa Land Transportation Franchising and Regulatory Board-7.
Sa iyang bahin, si Cebu City Councilor Dave Tumulak nagkanayon nga andam ang siyudad kay adunay 20 ka mga Kaohsiung buses nga ilang pabiyahion kon adunay mga maapektohang rota.
Si Francisco Ouano, Operations head sa Cebu City Transport Office (CCTO) miingon nga ilang monitoron ang maong rally sugod pa lang sa buntag aron masiguro nga hapsay ra ang kadalanan. — Jonard B. Bantilan
- Latest
