Drug test sa mga polis negatibo
CEBU, Philippines — Negatibo ang resulta sa drug test nga gipahigayon sa dili mominus 443 ka polis gikan sa nagkadaiyang police stations ug buhatan sa Lalawigan sa Sugbo.
Ang drug test gipahigayon sa Cebu Provincial Anti-Drug Abuse Office (CPADAO) sugod Marso 6 hangtud Marso 12 diin 11 ka police stations ug usa ka buhatan sa Cebu Provincial Police Office (CPPO) ang napahigayunan niini.
Matud ni Ivy-Durano Meca, pangulo sa CPADAO, nga ang resulta sa drug test makahatag og positibo nga imahe sa kapolisan ilabina sa kampanya batok sa ilegal nga drugas.
Kabahin gihapon kini sa tinguha nga mahimong “drug-free” ang tanang buhatan sa gobiyerno lakip na niini sa mga police stations.
Gawas sa mga polis, ang 145 ka empleyado sa munisipyo sa Lungsod sa Ronda ang gi-drug test sab niadtong Marso 12 diin ang tanan negatibo sa paggamit sa ilegal nga drugas. (BANAT NEWS)
- Latest
