5 BADAC wa maglihok
CEBU, Philippines — Adunay lima ka barangay sa Lalawigan sa Sugbo ang giingong wala maglihok ang ilang Barangay Anti-Drug Abuse Council sigun sa pangulo sa Cebu Provincial Anti-Drug Abuse Office (CPADAO).
Si Ivy Durano-Meca, pangulo sa CPADAO, nagkanayon nga ang mga opisyal sa maong mga barangay ang angayang pasakaan og kaso.
Wala hinoon gibutyag ni Meca ang pangan sa maong mga barangay.
Ang pamahayag ni Meca nigawas human nga si Philippine National Police (PNP) Director General Ronaldo “Bato” dela Rosa nagkanayon nga angayan pasakaan og kaso ang mga opisyal sa barangay nga wala molihok batok sa ilegal nga drugas sa ilang mga lugar.
Gitataw hinoon ni Meca nga dili sayon ang pag-capacitate sa mga BADACS.
“It is hard for barangays to make their BADACS functional, dili madali. Ang problema man gud diha kay not all barangays are still well verse kon unsay role sa barangay in terms sa anti-drug program,” matud ni Meca.
Dugang niya nga aduna pay uban nga mga barangay ang kuwang og resources samtang ang uban anaa sa bukirang bahin. (BANAT NEWS)
- Latest