Rama nabiyaan sa mga kauban?
CEBU, Philippines — Miuyon ang mga kaalyado ni kahi Cebu City mayor Michael Rama nga sabutan sa grupo kon padayonon ang pag-ilis nila og pangalan gikan Barug Team Rama ngadto’s Barug PDP Laban.
Matud ni Vice Mayor Edgardo Labella nga dapat lang estoryahan sa mga miyembro sa grupo ang maong desisyon.
“It is the most logical thing to do. Our group is consultative. No one dictates what to do and what not to do. It is deliberative and every decision is based on consensus,” sigon ni Labella.
Human mihurar ang mga kaalyado ni Rama ubos sa PDP Laban niadtong Biyernes sa hapon, mipadayag si Councilor Raymond Alvin Garcia nga ang gamiton nilang pangalan mao ang Barug PDP Laban ug dili na ang Barug Team Rama. Si Rama, kinsa wala imbitara nga mohurar sa PDP Laban miingon nga sabutan kini sa grupo kay mura siya og dili na maapil sa local nga grupo kon mailisdan na og pangalan.
Kahinumduman nga ikaduhang higayon nga ginganlan si Rama ni President Rodrigo Duterte nga giingong usa sa mga narco-politicians.
Matud ni Rama nga okay ra ang panagtagad sa iyang ka grupo bisan sa nahitabo ug matud pa nga dili sila maapektahan niini.
“We are okay. There’s nothing to be alarmed and nothing to be concerned...We have to talk to avoid confusion. Our group is collective and consultative and our group is not easily affected,” dugang ni Rama.
Kaniadtong Biyernes, ang mga miyembro sa Barug Team Rama nga nihurar ubos sa PDP Laban silang Labella and Councilors Garcia, Jocelyn Pesquera, Jose Daluz III, Joel Garganera, James Anthony Cuenco, Association of Barangay Councils President Phillip Zafra, ug ubang 300 barangay officials nga mihurar ubos sa PDP Laban. Mi-uyon ra usab si Garcia ug si Daluz nga angay estoryahan sa grupo ang maong pag-usab sa pangalan. (BANAT NEWS)
- Latest
