Task Force Maquilan giumol

CEBU, Philippines - Giumol ni Mandaue City Police Office (MCPO) Director Sr. Supt. Alberto Alana ang Task Force Maquilan aron matutokan ang imbestigasyon sa pagpatay kang Mantuyong Barangay Kapitan Antonino Maquilan.

Kini gilangkuban sa mga sakop sa City Intelligence Branch (CIB) Investigation Detection and Management Bureau (IDMB) ug uban pa.

Samtang ang recorded footage sa Close Circuit Television (CCTV) camera sa mall nga nahimutang duol sa crime scene ipadala ngadto sa Cyber Crime Division sa Camp Crame alang sa pag-enhance sa nakuha nga hulagway niini.

Anggulo sa pagpangilkil gisubay sa mga imbestigador base sa impormasyon gikan sa asawa niini.

Si Maquilan naglingkod sa iyang wheelchair sa dihang kini gipusil, gisuwayan unta pagbabag sa igsuon niini nga si Virginia apan napusilan gihapon ang kapitan sa tiil. Gidala unta kini sa tambalanan apan giatake sa sakit sa kasingkasing ug  namatay.

Si Mayor Luigi Quisumbing mitanyag og P200 mil nga ganti alang sa makahatag og kasayoran sa pag-ila sa mga mamumuno. (BANAT NEWS)