80 ka barangay nakahatag na sa listahan

CEBU, Philippines - Nakahatag na sa tanang lista sa mga drug personality sa barangay ang 80 ka    Dakbayan sa Sugbo ngadto sa buhatan sa Philippine Drug Enforcement Agency 7.

Kagahapon sa buntag, upat sa 80 ka barangay sa siyudad ang wala nakahatag ug kini ang barangay Sto. Niño, Kasambagan, Tabunan ug Ermita.

Natapos ang gihatag nga tagal sa PDEA-7 niadtong Marso 15, apan si PDEA-7 director Yogi Ruiz mihatag pa og dugang oras diin kutob alas 12 sa udto kagahapon aron makaapas ang upat ka barangay.

Gipaabot ni Ruiz nga alas 3:30 kagahapon sa hapon hingpit nga nakahatag sa ilang lista ang tanan ug labing uwahi ang Ermita pinaagi sa barangay secretary.

Nasayran nga ang maong lista ihatag sab nila sa ilang ulohang buhatan ug sa Department of Interior and Local Government.

Sunod nga hatagan og pagtagad sa PDEA-7 ang mga barangay sa dakbayan sa Mandaue ug Probinsya sa Sugbo.

Unang mibahad si Ruiz sa mga barangay opisyal nga dili motuman sa ilang gipangayo nga ilang ipasa ang ilang mga pangalan sa DILG. (BANAT NEWS)