Naga reclamation palapdan

CEBU, Philippines - Tinguha ni Naga City Mayor Kristine Vannessa Chiong nga palapdan pa ang ilang reclamation project.

Matud ni Chiong nga kinahanglan pa gyud sila og dugang luna aron butangan sa ubang proyekto sa siyudad nga mapahimuslan sa katawhan.

Nahuman na ang master plan ug ang ila karong gihimo mao ang pagtuon sa pagpakig-partner sa pribadong kompaniya aron maoy motabang kanila nga matuman ang maong damgo.

Gawas sa reclamation, himoon ni Chiong ang opisina sa Department of Public Services (DPS).

Nasibot sab si Chiong nga mabutangan na og labing unang high school culture for the arts ug center for math and science technology.

Asoy pa niya nga andam na ang lugar apan hinay-hinay pa nila sa pagpasulod sa curriculum.

Dugang ni Chiong nga kun dili man gani kini mahimo o mahuman ang iyang tinguhang proyekto karong tuiga segurado siya nga masugdan kini. (BANAT NEWS)