UN Rapporteur misalikway sa mga kondisyones ni Duterte
CEBU, Philippines - Si United Nations special rapporteur on summary executions Agnes Callamard niawhag sa gobiyerno sa Pilipinas nga usbon ang giyamar atol unya sa iyang planong pagbisita sa nasud.
Sa report sa Philstar.Com nasayran nga si Callamard gikatakdang mobisita sa nasud sayo sa sunod tuig aron imbestigaran ang giingong extrajudicial killings sa mga drug suspects sukad sa paglingkod ni Presidente Rodrigo Duterte.
Una nang gipahibawo ni Duterte nga gusto siya og public debate kaysa private meeting uban ni Callamard. Buot usab sa presidente nga manumpa si Callamard una pa patubagon ang mga government officials bahin sa maong isyu.
Si Callamard ni-propose og alternatibong paagi nga nagbase sa Human Rights Council’s code of conduct subay sa pagbisita sa mga nasud sa mga special rapporteur.
Ang UN special rapporteur nisugyot og private debriefing uban si Duterte ug joint press conference diin mahimong kwestiyonon sa presidente ang iyang mga nakuhang impormasyon.
Gihimakak usab sa gobiyerno ang mga taho nga kanselado ang pagbisita ni Callamard apan ilang giinsister nga kinahanglan nga sundon niini ang mga kondisyon sa presidente.
Ubos sa mandato, si Callamard gikatakdang makigtagbo sa gobiyerno ug sa uban pang opisyales sa national ug local level.
Ang special rapporteur sa extrajudicial killings mopahigayon og pagbisita sa mga nasud aron sutaon ang sitwasyon sa giingong extrajudicial, summary o arbitrary executions tibuok kalibutan. (BANAT NEWS)
- Latest
