Kuryente sa mga tunghaan ipasusi
CEBU, Philippines - Giawhag ni Department of Education-7 Director Juliet Jeruta ang mga magtutudlo sa rehiyon sa pagsusi sa ilang mga linya sa kuryente ilabi na kung may Christmas lights sila sa mga lawak niining panahon sa Pasko. Matud pa ni Jeruta nga tumong niini nga malikayan ang sunog sa mga tunghaan ug seguruhon nga patay ang tanang linya sa kuryente sa dili pa mobiya sa lawak.
Gawas sa mga magtutudlo, matud ni Jeruta nga kinahanglan sab mag-roving ang mga security guards.
Awhag ni Jeruta nga ipasusi og electricians ang mga linya sa kuryente aron sab malikayan ang overload sa gamitan niini. Gitug-an sab ni Jeruta nga mahimo ra iselebrar ang Pasko sa simple nga pamaagi tungod kay makita diha ang tinuoray nga dagway niini.
Awhag ni Jeruta ngadto sa mga magtutudlo nga kung mogamit og dekorasyon gamit ang kuryente nga siguruhon nga dili kini substandard aron makalikay sa posibleng sunog nga motumaw. (BANAT NEWS)
- Latest