Talisay City Hall guba na

CEBU, Philippines - Nahisama na sa wedding cake ang City Hall sa Talisay nga nindot kaayo tan-awon ang gawas apan ang ilawom gikutkot na, matud ni incoming Mayor Eduardo Gullas.

Si Gullas nibutyag nga gimanduan niya ang city engineering sa paggama og program of works alang sa pagpaayo sa City Hall tungod kay sa unang adlaw sa iyang paglingkod mao dayon kini ang iyang atimanon.

“On day one I want to start right away, limpiyuhon usa na, ayuhon usa nang tanan dinha,” matud ni Gullas. Giingong guba na ang mga kisame ug mga iniduro sa mga pansayan dili magamit.

“Labay dinha og gabii unya gisug-an nila nindot kaayong tan-awon, but it’s like a beautiful wedding cake, nindot kaayo apan ang ilawom gipangkaon na,” matud ni Gullas. (BANAT NEWS)