Pito ka babaye naluwas, Briton nasikop
CEBU, Philippines - Na-rescue sa mga sakop sa National Bureau of Investigation(NBI)-7 ang pito ka mga babaye nga giingong biktima sa exploitation, human trafficking ug cyber crime atol sa gihimong operasyon kagahapon sa hapon, sulod sa usa ka hotel sa Brgy. Kamputhaw, Dakbayan sa Sugbo.
Nasikop ang usa ka British national atol sa operasyon nga si Wade Lloyd Allsopp.
Gibutyag ni Arnel Pura, Special Investigator sa NBI-7 gisugdan nila ang pagpahigayon og surveillance ngadto sa dinakpan dihang nakadawat sila og impormasyon nga matod pa duna kini kuyog nga mga menor de edad sulod sa giabangan niining kwarto.
Giingong ang modus sa Briton, ang biktimang mga babaye kuhaan og hulagway nga hubo ug i-advertise sa internet ug kun adunay magkagusto ang bayad didto isulod sa iyang account.
“Klaro kaayo ang exploitation kay ang one mode man gud sa violation kanang hiring, advertising, procuring victims, gi-exploit ang ilang vulnerabilities particularly sa ilang economic situation,” matud ni Pura. Si Anna (dili tinuod nga ngalan), 18 anyos, nagpuyo dinhi sa Sugbo miasoy nga gipaadto sila sa Briton aron mag-pose og sexy ug maghimo og account apan wala pa siya makadawat og bayad.
“Wala ko niya gi-picturan nga naghubo but before nga nag-meet mi yes naay nahitabo, that was 2014 nga wala pa koy trabaho, karon nga naa koy trabaho mo-visit na lang ko niya”, asoy pa sa laing babaye nga 21 anyos.
Apan dihang gikuhaan sa iyang habig ang Briton, kini miklaro nga wala niya ginegosyo ang maong mga babaye ug dili na sila menor de edad.
“I haven’t ever, and I would never take a single peso for anything to do with exploiting girls or anything like that. I like girls and I tried to advice them the best I can to avoid getting in trouble. To avoid getting tattoos, to avoid getting single moms and stuff like that so that they get better future in life,” matud pa sa dinakpan. (BANAT NEWS)
- Latest
