Magtiayon napaig sa sunog sa ilang balay

CEBU, Philippines - Patay ang magtiayon nga nalakip sa pagkasunog sa naugdaw nila’ng balay sa Proper Can-asujan, Dakbayan sa Carcar pasado alas 9 sa buntag.

Ang nangamatay mao ang magtiayon nga sila si Florencia Larracochea, 61, ug Ramon Larrocochea, 60.

Matud ni Fire Officer 2 Reynald Redoblado nga giingong magsige og away ang magtiayon tungod sa kahimtang sa asawa nga balatian sa kalawasan.

Hurot gyud og kaugdaw ang panimalay sa magtiayon ug nilanat lang sa tres minutos ang pagpawong sa kambomberuhan ug gituohan nga gasolina ang gigamit sa pagdaub sa balay.

Matud ni Redoblado nga base sa pamahayag sa mga saksi, nakasimhot kini og karsones nga gilabay sa gawas sa panimalay nga gipuy-an sa magtiayon nga nanemaho og gasolina.

Ang magtiayon mao lang ang nagpuyo sa ila’ng panimalay tungod kay toa sa kauluhan ang mga anak niini. - /GMR (BANAT NEWS)