BFAR patrolboats di na ipagamit sa LGU

CEBU, Philippines – Dili na ipasa sa Bureau of Fisheries and Aquatic Resources ang ilang mga patrolboats nga pamaliton diha sa mga local government units aron mas maatiman ug magamit sa husto ang maong mga sea assets alang sa pagpalambo ug pagpanalipod sa kadagatan.

Kini human nga nakita sa kadagkoan sa BFAR nga maayo lang sa sinugdanan ang mga LGUs pag-atiman sa maong mga patrolboats apan sa kadugayan gipasagdan ug nangalata lang diha sa baybayon.

Matud pa ni Department of Agriculture Undersecretary Asis Perez sa pakighinabi sa Banat News sa usa ka chance interview didto sa City Gardens Suites sa Malate sa Manila, dili na ipadumala sa LGUs ang maong mga patrol boats.

Sumala pa niya, tungod sa mga reklamo nga ilang nadawat gikan sa fisherfolks ug ubang stakeholders nga wala mapusli ang maong mga patrolboats kay gitan-ogan lang sa LGUs sila na sa BFAR maoy modumala ug mo-operate niini.

Matud pa niya, sa bag-ong Implementing Rules and Regulations sa Republic Act 8550 nga giamendahan karon nga mao na ang RA 10654 o Fishery Code of the Philippines, aduna nay gitaganang pundo alang sa pagpalit,pag-operate ug pag-maintain sa mga barko ug patrolboats sa BFAR.

Aduna na usab karoy pasiunang 200 ka mga personahe ang BFAR nga gipaubos sa Fishery Law Enforcement (FLE) nga maoy makaabag sa Philippine Coast Guard ug PNP- Maritime Police sa pag-operate sa maong mga sea assets inabagan usab sa mga local municipal fishery enforcers.

Ang FLEs maoy mopatuman sa RA 10654 sama sa pag-inspeksyon sa mga isda diha sa nagkadaiyang commercial fishing vessels sud sa teritoryo sa Pilipinas lakip na sa mga municipal waters nga nagkinahanglan kanila.

Ug aron mas epektibo ang kampanya, ang tanang barkong panagatan nga di moubos sa tulo ka gross tonnage kinahanglan nang irehistro ug butangan og Vessel Monitoring System (VMS) nga konektado sa satellite.

Pinaagi sa VMS  mamonitor na sa BFAR ang tanang barko kung asa sila nanagat ug maglisod sila pagpamakak bahin sa ilang kuha nga isda, magamit usab ang VMS pagpadala og tabang kun sila makasugat og aksidente o problema sa lawod.

Sa pagkakaron aduna nay siyete mil ka commercial fishing vessels nga narehistro ug nabutangan og VMS ug padayon pa pagpanawat og rehistro pinaagi sa electronic licensing.

Usa karon sa gihingusgan sa BFAR mao ang pagpakatap sa impormasyon kabahin sa mga bag-ong kausaban sa Fishery Law sa nasud aron masayod ang mga mananagat dagko ug gagmay sa mga gidili na karon.

Sumala pa ni Perez, 70 porsiyento sa mga nakalapas sa balaod mao kadtong wala gyuy kalibotan bahin niini, samtang 20 porsiyento kanila nasayod sa balaod apan andam mohimo og illegal kun way nagbantay o makakita og oportunidad, samtang ang 10 porsiyento mao kadtong duna gyuy intensyon nga mohimo og illegal basta lang makakwarta og dako.

Pinaagi sa dagkong multa nga manukad gikan P1 milyon ngadto na sa P45 milyones batok sa malapason gipaabot nga magduhaduha na ang mga ilegalista.

Ang RA 10654 pahaom kini kontra sa Illegal, Unreported and Unregulated (IUU) fishing nga maoy hinungdan