Tungod sa halin sa baboy, kapuyo gipatay

CEBU, Philippines – Maayo’ng pagkalungag sa nawong sa 48-anyos nga ginang human nga gipusil patay sa iya’ng kapuyo sa sitio Makatol, Biga, dakbayan sa Toledo niadto’ng adlaw’ng Lunes.

Giila ang biktima nga si Terrypoña Ebo samtang ang gituohang suspek mao si Eduardo Radana, 45.

Base sa imbestigasyon nga samtang nagkugos ang biktima sa iya’ng dos-anyos nga anak, kalit lang gipusil sa suspek gamit ang .45 kalibre sa armas igo sa wala’ng bahin sa nawong. Hinuon luwas ra ang bata sa mao’ng pagpamusil.

Giingong nagkabangi ang duha sa pagbaligya ni Radana sa binuhi’ng baboy apan wala hatagi sa halin si Ebo. Giandam na ni Police Inspector Jovito Labra, hepe sa DAS, Toledo City Police Sub-station, ang kaso’ng parricide batok sa suspek kinsa nakasibat. – /GMR) (BANAT NEWS)