Armadong kustomer nanghagit og duwelo sa gwardiya

CEBU, Philippines — Gidakop sa guwardiya sa usa ka balay kalingawan nga iyang gibantayan ang usa sa kustomer nga nanghagit ngadto kaniya  og pinusilay  diha sa Barangay Pitogo, Lungsod sa Consolacion.

Si Police Officer 2 Manolito Dadole sa Consolacion Police Station miila sa suspetsado nga nadakpan nga mao si April Dalaguete, 27, lumad nga taga Agay-ag, Escalante City, Negros Oriental.

Matud pa nga gikalalis sa suspek ang laing kustomer mao nga gibadlong siya sa guwardiya nga si Eduardo Marimon, 27.

Apan nasuko ang suspetsado ug nanghagit kini og pinusilay dayong gunit sa giluklok niini sa hawak.

Ang guwardiya nga si Marimon dali nga migunit sa bukton sa maong suspetsado dayong lubag ug nakahigayon kini sa pag-ilog sa armas nga kalibre .38 nga adunay lima ka mga bala. Ang suspek nanghinol na karon sa rehas sa prisohan.  (BANAT NEWS)