Manny O. ,GK mi-turnover sa 40 ka balay sa Madridejos

CEBU, Philippines - Kwarenta ka housing units ang gi-turnover sa HopeNow Philippines, usa ka nonprofit arm sa Manny O. Group niadtong Disyembre 3, 2014, sa mga pamilyang nanginabuhi sa dagat diha sa Madridejos nga naapektahan sa bagyong Yolanda sa miaging tuig.

Ang maong komunidad gipangalanan og "Manny O. - GK Village," ug kabahin kini sa "Yolanda [Haiyan] Rebuild Program," nga usa ka joint housing project sa HopeNow Philippines ug Gawad Kalinga.

Ang tumong nila nga makatukod og 160 ka balay sa upat ka managlaing probinsya nga pulos naigo sa kalamidad.

Ang HopeNow Philippines usa ka charitable foundation sa  Manny O. Group nga ang puntariya mao ang paghatag og paglaom sa matag  nawad-an og paglaom tungod sa mga panghitabo nga di kapugngan.

"Ultimately, God is the one that you need to thank for these new houses. He is the one who provided the resources that enabled our company to extend help to you," matud pa ni Manny O. atol sa turnover ceremony. Ang founder sa Gawad Kalinga, Tony Meloto, kinsa mitambong sa kalihokan miingon: "What you received today is not just a new house; it is a new sense of dignity as persons. You have been given an opportunity in life and a hope for a better future."

Ang Gawad Kalinga ug HopeNow Philippines maoy naghatag og pundo alang sa katukoran sa 40 ka balay sa Madridejos, 40 sa Alang-alang, Leyte, 40 sa Sagbayan, Bohol, ug 40 sa  Hernani, Samar. Kini gipaabot nga mahuman sa Marso 2015. (BANAT NEWS)