Armas sa polis gikawat sa ilang opisina

CEBU, Philippines- Wala na gayo’y gipili nga lugar ang mga kawatan karong panahona, human nga usa ka sakop sa kapulisan sa Homicide Section sa Cebu City Police Office ang nabiktima sa pagpangawat, sulod mismo sa ilang buhatan, kagahapon sa alas 2 sa kaadlawon.

Si SPO1 Rommel Bancog midangop sa Theft and Robbery Section , human nga iya na lang nadiskobrehan nga nawala na ang iyang sling bag nga iyang gibutang sa taas nga bahin sa ilang cabinet.

Sulod sa sling bag ang iyang .9mm service pistol,  duha ka  cellphone, class ring kantidad P20 mil,  duha ka gold wedding rings nga nagkantidad og P35 mil, cash money P4,000 ug ingon man mga ID’s.

Nahitabo ang pagpangawat tungod kay dunay girespondehan ang naka-duty nga mga polis. - /EIM) (BANAT NEWS)