^

Banat Balita

P50 milyones nga cash assistance sa PWD andam na

Kristine Quintas/EIM -

CEBU, Philippines - Gibana-banang P50 milyones ang ipangapud-apod ngadto sa 10,000 ka mga Persons with disabilities (PWD) karong buwana gikan sa syudad sa Sugbo matud ni  Cebu City Department of Social Welfare and Services (DSWS) chief Dr. Ester Concha.

Matud ni Concha nga ang matag PWDs makadawat og P5,000 cash assistance isip tinuig nga tabang kanila gikan sa siyudad.

Ang maong kandidad kuhaon sa gi-aprobahang budget karong tuiga nga P60 million ubos sa Maintenance and other Operating Expenses (MOOE) sa DSWS.

Si Konsehal Sisinio Andales mikwestyon nganong wala pa na-release ang maong kantidad.

“Budgeted naman ‘tana, ngano wala paman na-release gihapon?  Priority man ang cash aid sa PWD sa city government,” matud ni Andales.

Matud ni Concha nga andam na ang payroll sa mga PWD ug naghuwat na lamang sila og mando gikan ni Cebu City Mayor Michael Rama sa distribusyon niini. “Done with the payroll, na process na namo sa budget office.”

Adunay 11,700 PWD nga rehistrado sa syudad, apan matud ni Concha nga ang kapin usa ka libo kinahanglan pa usab i-validate aron makakuha sila og sususamang prebilihiyo.

Ang DSWS misugyot  usab og P60 milyones alang sa sunod tuig nga PWDs program. (BANAT NEWS)

ADUNAY ANDALES CEBU CITY DEPARTMENT OF SOCIAL WELFARE AND SERVICES CEBU CITY MAYOR MICHAEL RAMA DR. ESTER CONCHA GIBANA MATUD OPERATING EXPENSES SI KONSEHAL SISINIO ANDALES
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with