Kawani sa goberno may 10 porsentong diskuwento sa SM

CEBU, Philippines - Karong  adlawa  mao  ang  kasaulogan sa ika-113 nga anibersaryo  sa pagkatukod  sa Philippine Civil[i] Service ug  ang  tanang  kawani  sa kagamhanan  may  diskuwento  nga 10 porsento  sa pamaliton  niini  sa tindahan  sa SM Cebu.           

Si Prolaine Daclan, Chief Personnel  Specialist sa Civil Service Commission (CSC)7 atol  sa Kapihan  sa PIA kagahapon  nagkanayon  nga  kining maong  programa  sa  ilang ahensya  maoy  gitawag  nga  partnership with  private  institution  diin  ang  SM  mohatag og  diskuwento  sa  tanang  kawani  sa goberno nga  10 porsento  sa pamaliton  niini  sa  maong tindahan  gikan  karon, Septembre 19-21.            Gawas  niini  miingon  si  Daclan  nga  may   nagkalainlain  pa  nga  aktibidad  ug  kalihokan   nga  giandam    ang CSC7 agi  og bahin  sa  maong  kasaulogan.            Pipila niini  mao  ang  pagpanghatag  og  award  o pahalipay niadtong  mga  nanarbaho  sa  mga  buhatan  sa kagamhanan kansang  binuhatan  naghatag  og  kalamboan  sa iyang  palibot.            Miingon  si  Daclan  nga  daghan  ang  mga  programa  nga  gipatuman  sa CSC  aron makaalagad  kining  hingpit  sa  katawhan.           

Ang  mga  kawani  usab  sa lokal  ug  nasudnon  nga  kagamhanan  gibantayan   nga  dili  masawayan  sa  mga  mamumuhis  nga  mangayo  og  serbisyo  kanila.           

Gani  gi-monitor  sa CSC  ang  mga  matang  sa kinaiya  sa matag  kawani  sa goberno  pinaagi  sa pagpangayo  og  feedback  gikan  sa publiko.            Miingon  si Daclan  nga  sa  mga  kawani  nga  may  negatibong  feedback  sama  pananglit    kun magkusmod  kini  ngadto  sa kliyente,  ila  kining  pahimangnuan  sa iyang  binuhatan  nga  usa  ka  dakong  kalapasan  sa  iyang  pagserbisyo  ngadto  sa katawhan.           

Kining  tanan  matud  pa  ni  Daclan  maoy  pagpakita  sa kagamhanan  nga tinarong  ang  pangalagad  niini ug  walay  gipalabi  ngadto  sa tanan. (BANAT NEWS)