Dul-an P132 mil natabang sa BFAR sa mga mananagat
Liezl Mabini Frasno (The Philippine Star) - September 4, 2013 - 12:00am

CEBU, Philippines - Mikabat  sa dul-an  P132mil  ang  nahatag  nga  salaping  hinabang  sa  kagamhanan  ngadto  sa mga  mananagat  nga  nawad-an  sa panginabuhi  gumikan sa oil spill.

Si  Chief  Finance  officer Ionne  Villagonzalo  sa Bureau of Fisheries and  Aquatic Resources (BFAR)7  mibutyag  nga  ang  maong hinabang  gihimo pinaagi  sa  pagpananom  og bakhaw .

Si Villagonzalo  usa  sa mga  dinapit  sa  AGIO Forum  kagahapon didto sa buhatan  sa Philippine  Information  Agency (PIA) nga  gipalanog  sa DYMR  nagkanayon  nga  gikan  sa mangrove  potting  hangtud  sa pagpananom  mismo  niini  ilang  gisuholan  ang mga  pamilya  sa mananagat.

Ang  mangrove  potting  mao  ang  pagpamutang  sa  mga  liso  sa  bakhaw  sa  mga  plastic  nga  sudlanan  niini  nga  gisuholan nila  og  tag P2 matag  usa.

Unya  miingon  si  Villagonzalo  nga  pito  ka  barangay  sa Cordova  ang  ilang  gipili  sa  tag 500  ka  pamilya  ang  matag barangay.

Ang  pagpili  gihimo  nila pinaagi  sa kwalipikasyon,  kun tinuod  ba  silang  molupyo  sa maong lugar, rehistrado  ba gyud  silang  mananagat  ug  dili  sila membro  sa 4Ps.

Miingon  si  Villagonzalo  nga  sukad  niadtong  Agosto 26, 2013  nagsugod  na  sila  pagpang-apod-apod  sa  mga  materyales  sa mga  liso  ug  plastic  ngadto  sa mga  benepisyaryo.

Kutob  niadtong  Lunes,  mikabat  sa  P131,398  ang  ilang  katibuk-ang  nabayran.

Apan  dili  pa kini  mao  tungod  kay  inigpananom  na  sa maong  mga  seedling,  tag P3 na  usab  ang  ilang  ibayad  sa matag  usa niini.

Miingon  si Villagonzalo  nga  nakita  nila  ang  kakabus  sa  mga  pamilya  sa  mga  mananagat  nga apektado  sa  oil spill.

Busa  mitabang  sila  sa maong  mga  pamilya  aron  nga  dili  magutman  gumikan sa  pagkawagtang  sa ilang  panginabuhi   nga  mugna  sa pagkatap   sa asayte  ug  krudo  nga    miagas  sa dagat  gikan  sa barko  nga  MV St. Thomas  Aquinas  nga  anaa   gihapon  ilawom  sa  kadagatan  sa dakbayan  sa Talisay.

Sa pagkakaron  padayon  pa  ang  paghusay  sa  maong  kaso  aron  kadtong  mamatud-an  nga  sad-an  sa maong  hitabo  mao ang  manubag  sa daghang tulubagon  gikan  sa  kinabuhing  nangamatay  ug  sa kadaot  sa panginabuhi  sa  mga  tawong  apektado  sa maong  hitabo. (BANAT NEWS)

 

AQUATIC RESOURCES BUREAU OF FISHERIES MAONG MIINGON SI VILLAGONZALO ST. THOMAS VILLAGONZALO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with