Unom ka senatorial bets motambong sa Pro-life Rally
CEBU, Philippines - Unom ka mga kandidato sa pagka senador ug mga lokal nga kandidato sa Sugbu ang manambong sa ipahigayon nga Unity for LIFE Prayer Rally nga anha himoon sa Plaza Independencia alas 4:00 sa hapon karong adlawa.
Matud pa ni Dr. Rene Josef Bullecer, ang country director sa Human Life International-Philippines nagkanayon nga kumpirmado nga motambong ang mga pro-life senatorial bets nga sila si JC de los Reyes ug Marwill Llasos sa Kapatiran Party, Richard Gordon, Miguel “Migs†Zubiri ug San Juan City Mayor Joseph Victor "JV" Ejercito Estrada.
Si Bullecer nagkanayon nga sa Team PNoy, si kanhi Las Piñas City Representative Cynthia Villar lang ang mikumpirmar nga motambong sa maong rally.
Si Villar, kinsa nisuporta sa pagpasar sa mga importanteng balaod sa Kongreso aron panalipdan ang interes ug kaayohan sa pamilya, gi-endorsar na usab sa Catholic Conscience Vote Phils. (CCVP), usa ka pro-life, pro-family charismatic communities ug organisasyon.Si Villar, kinsa nailhan nga "Misis Hanepbuhay" gi-endorsar usab sa White Vote Movement nga gipangulohan sa El Shaddai.
Midungag si Bullecer nga sugdan sa usa ka Santos nga Misa ug ceremonial signing sa "Covenant for Life" kauban sa mga kandidatong gipaluyohan sa Lay Initiative For Elections 2013.
"Immediately after the signing, endorsed candidates will be prayed over by the thousands of people that they will win and will remained firm in their commitment to defend and protect life especially against abortion, divorce, gay marriages and death penalty," matud pa ni Bullecer.
Ang tanang mga modagan pagkakongresista sa Sugbo ug mga representante sa mga modagan pagka senador ang motambong usab sa maong rally. (BANAT NEWS)
- Latest