Lolo 'nanglugos,' hepe sa women's desk gireklamo
- Rey Pasaporte () - May 18, 2012 - 12:00am

CEBU, Philippines - Usa ka 80-anyos nga lolo ang gidakop sa kapulisan sa lungsod sa Minglanilla niadtong Miyerkules sa hapon human kini gireklamong milugos sa 14-anyos nga iyang apo sa usa sa mga barangay sa nahisgutang lungsod.

Apan hugtanong gihimakak ang maong pasangil sa 80-anyos nga lolo ug matud niya gitumotumoan lang siya human nagkasinabot ang iyang asawa ug apo. Niadtong Lunes sa gabii, gipugngan sa iyang asawa ang ilang apo aron diha manihapon apan nahibulong nalang siya nianang pagka alas-12 sa tungang gabii nga kalit lang gidugkal sa iyang asawa ang iyang kilid ug mipasangil kini kaniya nga gihilabtan niya ang ilang apo.

Ang mga sakop sa media nga misuway sa pag-interbyu sa hepe sa Womens and Childrens Protection Desk (WCPD) nga si Insp. Ma. Theresa Gutierez apan inay impormasyon, wala tratara sa maong opisyal ang mga mediamen sa maayong pamaagi. Ug gani bisan ang imbestigador niini nga si PO1 Cristy Nacario wala niya tuguting makahatag og detalye kay ‘busy’ daw kini.

Tungod sa iyang gibuhat, si PRO-7 Chief Supt. Marcelo Garbo mimando kang Sr. Supt. Orlando Ualat ang Chief of Staff sa PRO-7 nga imbestigahon ang gihimo ni Gutierez.

Ang mga sakop sa media giawhag sa pagduso og pormal nga reklamo batok kang Gutierez aron kasugdan dayon ang imbestigasyon. Matud ni Ualat, nga kun ang mga sakop sa WCPD makaako pagpakita og dili maayong kinaiya ngadto sa mga sakop sa media labaw nang dili sila maduolan sa mga ordinaryong reklamante.  (BANAT NEWS)

CHIEF OF STAFF CHIEF SUPT CRISTY NACARIO GUTIEREZ MARCELO GARBO NIADTONG LUNES ORLANDO UALAT SR. SUPT
  • Latest
  • Trending
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with