Kaso vs Banat News gibasura sa piskalya
- Lesley Caminade-Vestil () - February 11, 2012 - 12:00am

CEBU, Philippines - Wala ikahimuot sa deputy member sa Cebu City Anti-Indecency Board (CCAIB) ug state prosecutor Aida Sanchez ang nakab-ot nga desisyon ni acting Cebu City Prosecutor Nelia Sistoso kalabot sa kasong gipasaka nila batok sa duha ka lokal nga tabloids sa dakbayan sa Sugbu.

Si Sistoso mirekomendar sa pagbasura sa kaso batok sa Banat News tungod sa sinuwat ni Cindy Jones nga “Handumanan sa Pista” tungod sa kakulang sa basehan, samtang duha ka kaso batok sa tabloid nga Superbalita ang gipasaka ngadto sa korte.

Ang duha ka tabloids gipasakaan og kaso sa CAIB tungod sa paglapas sa City Ordinance No. 1408 nga mao ang Anti-Indecency Ordinance ug Article 201 sa Presidential Decree 969.

Nasayran nga si Sistoso mirekomendar sa pagpasaka sa susamang kaso ngadto sa korte batok sa Superbalita kalabot sa “Kabit” nila nga isyu.

Ang abogado sa Superbalita nga si Atty. Angelo Forñales dihang gikuhaan og pamahayag sa Banat News mibutyag nga iyaha pang gitun-an ang resolusyon ni Sistoso.

Apan kini mipadayag nga posibleng mosang-at sila og motion for reconsideration tungod kay adunay napulo ka adlaw nga gihatag kanila sa paghimo niini. (BANATNEWS)  

AIDA SANCHEZ ANGELO FOR ANTI-INDECENCY ORDINANCE BANAT NEWS CEBU CITY ANTI-INDECENCY BOARD CEBU CITY PROSECUTOR NELIA SISTOSO CINDY JONES CITY ORDINANCE NO SUPERBALITA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with