Hubog namatay sa kasagingan

CEBU, Philippines - Napalgang patay sa kasagingan ang usa ka lalaki nga gikang mitambong sa birthday sa iyang amigo didto sa sitio Motra, barangay Tisa, dakbayan sa Sugbo sa miaging buntag.

Ang biktima mao si Rodmar Abas, 39, minyo,    sa maong lugar, samtang wala pa hisayri kun gipatay  ba siya.

Sa pasiunang imbestigasyon sa Homicide Section nga gipangulohan ni SPO4 Alex Dacua nasayran nga ang biktima nagsugod og inom uban sa iyang mga higala alas-9:00 sa gabii niadtong Miyerkules sa balay ni Edwin Barino nga maoy nagsaulog sa adlaw’ng natawhan sa maong higayon.

Nianang pagka alas-12:00 sa tungang gabii ang bitkima mipauli sa ilang balay apan pagkabuntag sa sunod adlaw usa ka babaye nga ginganlan og Feliza maoy nakadiskobre sa patayng lawas sa biktima sa kasagingan, usa ka hilit nga bahin sa maong lugar.

Sa gihimong pakisusi sa patay’ng lawas sa biktima sa mga sakop sa Crime Scene Investigation Unit (CSIU) nasuta nga walay timailhan nga gipatay ang biktima gawas lang sa dugo nga miagas gikan sa iyang ilong

Ang kapolisan mirekomendar nga ipa-autopsy ang patay’ng lawas sa biktima aron matino kun gipatay ba kini og tuyo. (WC) (BANAT NEWS)