Amerikano namatay samtang kuyog ang usa ka titser sa hotel
- Ni Romeo T. Limpangog () - March 3, 2011 - 12:00am

CEBU, Philippines - Namatay ang usa ka 57-anyos nga magtutudlo nga Amerikano samtang nakighilawas sa 43-anyos nga magtutudlo usab nga babaye sulod sa giabangang lawak sa usa ka hotel sa barangay Basak, dakbayan sa Lapulapu alas 11:20 ang takna sa miaging Lunes sa gabii.

Si SPO3 Ernesto Francisco sa Homicide Section sa kapolisan sa maong dakbayan miila sa namatay nga mao si Henry Peterson Jr. nga magtutudlo sa usa ka language school sa Amerika.

Si Francisco nagkanayon base sa pamahayag sa mga staff sa maong hotel nga ang langyaw kauban ang usa ka giingong magtutudlong babaye mi-check in alas-10 pasado ang takna sa gabii.

Ang babayeng titser nga giingong hinigugma sa namatay sa pagsukitsukit nila ni Francisco mitug-an nga diha sila sa kama dihang kalit nga milumoy ang langyaw ug may migawas nga dugo sa ilong niini.

Tungod niini daling nag-ilis ang maong titser ug nanawag sa hotel staff kinsa mao nay mitawag sa Emergency Rescue Unit Foundation (ERUF) ug dali kini nga gidala sa Lapulapu City District Hospital.

Matud pa ni Francisco nga si Dr. Arceli Opora sa nahisgutang tambalanan mideklarar niini nga dead on arrival.

Ipailawom pa sa awtopsiya ang maong langyaw aron matino ang gikamatyan niini.  - BANAT NEWS

AMERIKA AMERIKANO DR. ARCELI OPORA EMERGENCY RESCUE UNIT FOUNDATION ERNESTO FRANCISCO HENRY PETERSON JR. HOMICIDE SECTION LAPULAPU CITY DISTRICT HOSPITAL SI FRANCISCO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with