^

Banat Balita

2 gireklamong opisyal ug hospital workers sa Eversely gihusay

- Rey Pasaporte -

CEBU, Philippines - Gisugat si Department of Health (DOH) undersecretary David Lozada og protesta sa iyang pag-anhi dinhi sa Sugbu kagahapong adlawa sa mga empleyado sa Eversely Child Sanitarium Hospital sa dakbayan sa Mandaue.

Milanat og upat ka oras ang panagtigom nila ni Lozada nga kanhi regional director sa DOH-7 uban nila ni Dr. Joel Andres ang pangulo sa Eversely Hospital ug ni Dr. Joanty Reviral nga gireklamo sa mga empleyado sa maong tambalanan.

Ang Eversely Child Sanitarium Union Employees miprotesta batok sa duha ka opisyal sa maong tambalanan nga ilang gipasanginlang dili makamaong modumala sa maong tambalanan.

Human sa tigom uban ni DOH-7 director Susanna Madareita ug sa mga gireklamong opisyal mipirma og undertaking sila si Dr. Andres, Dr. Reviral ingon man si Nancy Romacabuero nga maoy presidente sa unyon sa kawani nga dili isakripisyo ang serbisyo sa maong tambalanan apan ipadayon gihapon ang ilang pagdungog sa kaso diha sa DOH legal office.

Nabalaka   si Lozada nga tungod sa maong isyu maapektuhan na ang pagserbisyo nila ngadto sa mga pasyente.

Si Lozada tuyong mianhi dinhi sa Sugbu kagahapon aron sulbaron ang maong isyu ug miisip nga ang pagpirmahay sa duha ka habig makatabang sa paghilot sa maong problema.

Samtang mipasalig kining dili una nila ipatuman ang preventive suspension sa duha ka opisyal nga maoy gipangayo sa mga empleyado sanglit wala paman mamatud-ing sad-an ang duha ug aron dili maputol ang ilang serbisyo sa publiko.  – BANAT NEWS

ANG EVERSELY CHILD SANITARIUM UNION EMPLOYEES

DAVID LOZADA

DEPARTMENT OF HEALTH

DR. ANDRES

DR. JOANTY REVIRAL

DR. JOEL ANDRES

DR. REVIRAL

EVERSELY CHILD SANITARIUM HOSPITAL

EVERSELY HOSPITAL

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with