Nagwara-wara'g sundang kay nasukong gipasanginlang pataka'g labay sa hugaw
- Brenda Batuto () - June 7, 2010 - 12:00am

CEBU, Philippines - Usa ka 69-anyos nga ginang kinsa napikal kay gipetisyonan sa iyang mga silingan tungod sa kahugawan, milanit sa iyang sundang, giwara-wara ngadto sa iyang silingan sa 6th Street Carmen Village, barangay Dumlog, dakbayan sa Talisay sa miaging buntag.

Ang suspetsado mao si Anita Lubguban, molupyo sa nahisgutang lugar, samtang ang mireklamo mao si Emelia Bacus Arcilla, hingkod ug silingan sa suspetsado.

Base sa imbestigasyon ni PO3 Edwin Alvarado nasayran nga si Lubguban gipasakaan og petisyon sa iyang mga silingan ngadto sa ilang barangay tungod kuno sa kahugawan niini.

Usa sa mga panghugaw-hugaw niini mao ang pagpatuyang lang og labay bisan asa sa iyang hugaw sa lawas kay walay pansayan.

Matud pa sa kapolisan nga wala na kaantos ang iyang mga silingan gumikan sa kabaho sa ilang palibot uban ang kabalaka sa dakong peligro nga matakboyan sila og sakit gumikan sa maong hugaw.

Matud ni Alvarado nga hait kaayo ang sundang sa suspetsado nga didto gyud iwara-wara sa atubangan ni Arcilla sa katahap niini nga ang naulahi maoy naglider sa pagpasaka og petisyon ngadto sa barangay batok sa suspetsado.

Si Arcilla usab kinsa nabalaka nga habason siya sa suspetsado sa hait kaayo apan tayaong sundang niini, misumbong sa kapolisan aron nga kaprotektahan ang iyang kinabuhi.

Kini tungod sa kabalaka nga gawas sa kahait, tayaon pa gyud ug delikado kaayo nga kun kini makasamad matitanus pa gumikan sa taya.

Apan tungod kay dili kaayo bug-at ang maong kaso, gitunol kini sa kapolisan ngadto sa barangay aron adto una kini husaya. – BANAT NEWS

ALVARADO ANITA LUBGUBAN EDWIN ALVARADO EMELIA BACUS ARCILLA IYANG MATUD SI ARCILLA STREET CARMEN VILLAGE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with