^

Banat Balita

Cebu usa sa i-sentro sa SONA

- Edwin Ian Melecio -

Daghang maayong balita nga ipahibalo si Presidente Gloria Macapagal Arroyo alang sa mga Sugbuanon lakip na ang ubang probinsya sa nasud atol sa iyang pag-deliver sa iyang State of the Nation Address atubangan sa Kongreso karong adlawa.

Si Presidential Management Staff Director General Secretary Cerge Remonde sa pakighinabi sa Banat News mitug-an nga lahi ang pamaagi karon ni Arroyo sa iyang SONA kun itandi sa mga nangagi niining SONA.

Mas unahon ni Arroyo pagpahibalo ang mga natapos ug ingon man padulong na matapos nga mga proyekto sa mga probinsya nga nahimo sa gobiyerno una pa niya isunod ang sa kaulohan.

Unang ipahibalo ni Arroyo ang mga proyekto sa Mindanao, Visayas ug Luzon sanglit sumala pang Remonde mas giuna karon og pagtagad sa presidente ang mga probinsya.

Lahi usab ang SONA karon, tungod kay mas daghan ang ipahibalong natapos nga mga plano ug proyekto ug sa mga saad kung itandi kaniadto nga mas daghan og saad kaysa sa mga nahumang proyekto.

Dinhi sa Sugbu, ideklarar ni Arroyo ang mga kabukiran sa Central Cebu nga National Park. Sumala pang Remonde kini mangahulugang dunay mga dapit sa kabukiran nga palambuon alang sa eco-tourism, maprotektaran og maayo ang watershed area nga karon nameligro na sa illegal loggers.

Samtang ipahibalo usab ni Arroyo karong adlawa nga mabuksan na ang North Coastal Road nga nanukad sa Mandaue pangadto sa lungsod sa Consolacion.

Lakip na usab ang Roll-on Roll-off (RoRo) wharf sa lungsod sa Bogo ug Daanbantayan.

Kabahin sa mga protesta sa mga militanteng pundok karong adlawa, si Remonde nagkanayon nga dili gyud mohunong ang maong mga organisasyon hangtud nga dili mahulipan og gobiyerno og komunismo.

Usa sa mga isyu nga ibato karon sa mga militante mao ang kabahin sa kakabus sa katawhan, extra-judicial killings ug ning bag-uhay lang mao ang Anti Terror Law nga giisip sa mga militante nga gamiton sa administrasyon batok kanilang mga lehitimong pundok nga kritiko sa pangulo.

Si Sec. Remonde nagkanayon nga samtang buot gyud nga mapuo ni Arroyo ang terorismo dinhi sa nasud dili hinuon makatugot ang presidente nga yatakan na ang tawhanong katungod sa katawhan.

Gani gipahibalo ni Remonde nga dunay mga plano ang presidente nga papandayon og mga balaod ang Kongreso nga hatagan og mas bug-at nga silot ang mga sakop sa militar ug sa kapolisan  nga mahibaw-ang nag-abuso sa tawhanong katungod sa katawhan.

ANTI TERROR LAW ARROYO PLACE REMONDE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with