^

Banat Balita

Anti-terror law wala hangpa ni Tomas, di makagarantiya

-

Wala hangpa ni Mayor Tomas Osmeña ang ipatuman na niining buwana nga Human Security Act kun Anti Terror Law. Kini bisan pa man sa pag-angkon sa mayor nga dili pa suhito sa mga probisyon sa nahisgutang balaod. Ang mayor dili kumbinsido sa tumong ug katuyuan sa maong balaod nga alang sa seguridad sa nasud.Gani, nakapanglantaw na’ng daan si Osmeña nga motumaw ang daghang pag-abuso sa tawhanong katungod gamit ang maong balaod.

Giklaro sa mayor nga ang gobyerno maoy angayang mangita og paagi nga kini respetuhan ug dili modemanda niini sa katawhan. “As a government we should not demand respect from the people..we should earn that respect from the people.”

Naobserbahan ni Osmeña nga gamay na lang karon ang mosupak sa dili magustuhan niini tungod usab sa kakuwang na og pagsalig sa kadaghanan sa criminal justice system sa nasud.

Kini human masayod ang mayor nga pipila lang ka mga raliyista ang nagpundok kagahapong adlawa nga mipadayag sa ilang pagsupak sa bag-ong balaod.

Sumala pa ni Osmeña nga kini usa ka timailhan nga nagkawagtang na ang pagsalig sa katawhan ilabi na sa criminal justice system sa nasud.

Tungod niini gipadayag sa mayor nga angayan nang banhawon sa gobyerno ang integridad sa nahisgutang sistema.

ANTI TERROR LAW GANI GIKLARO HUMAN SECURITY ACT KINI MAYOR MAYOR TOMAS OSME OSME
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with